Kothimbir Vadi Recipe In Marathi : चविष्ट व पौष्टिक कोथिंबीर वडी आणि कोथिंबिरीचे महत्व व तीचा उपयोग

 

Kothimbir Vadi Recipe In Marathi : चविष्ट व पौष्टिक कोथिंबीर वडी आणि कोथिंबिरीचे महत्व व तीचा उपयोग

कोथिंबिरीचे महत्व व तीचा उपयोग  

कोथिंबीर (धनिया) ही भारतीय स्वयंपाकात फार महत्त्वाची मानली जाते. ती फक्त चव आणि सुगंधासाठीच उपयोगी नसून तिचे आरोग्यासाठीही बरेच फायदे आहेत. कोथिंबिरीमध्ये भरपूर प्रमाणात जीवनसत्त्वे आणि खनिजे असतात. तिचा उपयोग खालीलप्रमाणे होतो:

• कोथिंबिरीचे महत्त्व : ⤵️

• पचनासाठी उपयुक्त :

1. कोथिंबिरीत फायबर्स असतात, ज्यामुळे पचनक्रिया सुधारते. 
2. पचनसंस्थेतील अपायकारक घटक काढून टाकण्यात ती मदत करते.

• रक्तशुद्धीकरण :

1. कोथिंबीर रक्त शुद्ध करण्यासाठी उपयुक्त आहे. 
2. तिचे नियमित सेवन केल्याने शरीरातील विषारी घटक बाहेर टाकले जातात.

• जीवाणू आणि बुरशीविरोधी गुणधर्म :

1. कोथिंबिरीत अँटीबायोटिक आणि अँटीऑक्सिडंट घटक असतात, ज्यामुळे शरीरातील संक्रमण कमी होण्यास मदत होते.

• हृदयासाठी लाभदायक :

1. कोथिंबिरीत असलेले पोटॅशियम रक्तदाब नियंत्रणात ठेवण्यास मदत करते. 
2. ती कोलेस्ट्रॉल कमी करण्यास देखील मदत करते.

• त्वचेसाठी उपयुक्त :

1. कोथिंबीर त्वचेसाठी फायदेशीर असून ती चमकदार त्वचा देण्यास मदत करते. 
2. तसेच मुरुम आणि डाग कमी होण्यासाठी ती उपयुक्त ठरते.

• कोथिंबिरीचा उपयोग :⤵️

1. भाज्या आणि आमटीत : कोथिंबीर भाज्यांना आणि आमटीला चविष्ट बनवते.
2. चटणी बनवण्यासाठी: कोथिंबीर, हिरवी मिरची, लसूण आणि मीठ घालून तयार केलेली चटणी चवदार आणि आरोग्यदायी असते.
3. सूप आणि सॅलडमध्ये : ताजी कोथिंबीर सूपमध्ये किंवा सॅलडवर टाकल्याने चव आणि पोषणमूल्य वाढते.
4. औषधी वापरासाठी : पचनशक्ती सुधारण्यासाठी कोथिंबिरीचा रस उपयुक्त आहे. तो कोमट पाण्यासोबत घेतल्यास पचनसंस्था सुधारते. 
5. सौंदर्य उत्पादनांमध्ये : कोथिंबीरचा रस त्वचेच्या डागांवर लावल्यास डाग हलके होतात.

• टीप : कोथिंबीर जास्त प्रमाणात सेवन करणे टाळावे, कारण कधी कधी अति प्रमाणात घेतल्यास ते त्रासदायक होऊ शकते. ताजी कोथिंबीर वापरणे आरोग्यासाठी अधिक फायदेशीर ठरते.

साहित्य :

• २ मोठे कप कोथिंबीर (बारीक चिरलेली)

• १ कप बेसन (बेसन पीठ)

• १ चमचा तांदुळाचे पीठ

• १/२ चमचा हळद

• ५-६ हिरव्या मिरच्या 

• १/२ चमचा जिरे

• १/२ चमचा हिंग

• १/२ चमचा धणे पूड

• १/२ चमचा जिरे पूड

• २ चमचे तिळ

• ४-५ लसूण पाकळ्या 

• चवीनुसार मीठ

• १/२ कप पाणी

• आवश्यकते नुसार तेल (वड्या तळण्यासाठी आणि वाफवण्यासाठी)

• टोमॅटो सॉस (सर्व्हिगसाठी)

कृती : ⤵️

• कोथिंबीरची तयारी :

• कोथिंबीर स्वच्छ धुऊन, बारीक चिरून घ्या.

• मिश्रण तयार करणे :

• हिरवी मिरची, लसूण मिक्सरला बारीक वाटून घ्या. 

• एका मोठ्या भांड्यात बेसन, तांदुळाचे पीठ, हळद, हिरवी मिरची+लसूणचे वाटण, जिरे, हिंग, धणे पूड, जिरे पूड, तिळ, मीठ आणि चिरलेली कोथिंबीर घाला.

• सर्व साहित्य एकत्र मिक्स करा.

• त्यात पाणी घालून घट्ट मिश्रण तयार करा.

• वाफवणे :

• एका पातेल्यात पाणी गरम करण्यासाठी ठेवा.

• चाळणीला तेल लावून मिश्रणाचे रोल करून त्यावर ठेवा. 

• पातेल्यात पाणी उकळल्यावर मिश्रण ठेवलेली चाळणी पाण्याच्या वर ठेवा व झाकण ठेवून १५-२० मिनिटे वाफवा. 

• मिश्रण चांगले वाफवून घेतल्यावर त्यामध्ये सूरी घालून पहा. जर ते चिकटले नाही तर वडी तयार आहे.

• वड्या कापणे :

• मिश्रण थंड झाल्यावर त्याच्या वड्या कापा.

• फ्राय करणे (ऐच्छिक):

• एका कढईत थोडे तेल गरम करा.

• वाफवलेल्या वड्या सोनेरी होईपर्यंत दोन्ही बाजूंनी तळा.

• सजावट आणि सर्व्हिंग :

• तळलेल्या वड्या ताटात काढून घ्या.

• गरमागरम 'कोथिंबीर वडी' टोमॅटो सॉस बरोबर सर्व्ह करा.

अशा प्रकारे, तुम्ही चविष्ट आणि कुरकुरीत 

कोथिंबीर वडी तयार करू शकता.

©सौ.सुचिता वाडेकर.. ✍🏻